الحاصل: سبب غايت عادى، عاجز و اوڭا إسناد ايديلن مسبَّب ايسه غايت صنعتلى و قيمتلى اولديغندن، سببى عزل ايدر. هم مسبَّبڭ غايهسى، فائدهسى دخى، جاهل و جامد اولان أسبابى اورتهدن آتار، بر صانعِ حكيمڭ ألنه تسليم ايدر. هم مسبَّبڭ يوزندهكى تزيينات و مهارتلر، كندى قدرتنى ذىشعورلره بيلديرمك ايستهين و كندينى سَوْديرمك آرزو ايدن بر صانعِ حكيمه إشارت ايدر.
أى أسبابپرست بيچاره! بو اوچ مهمّ حقيقتى نه ايله ايضاح ايدهبيليرسڭ؟ سن ناصل كنديڭى قانديرهبيليرسڭ؟ عقلڭ وارسه، أسباب پردهسنى ييرت.
﴿وَحْدَهُ لَا شَرِيكَ لَهُ﴾
دى، حدسز أوهامدن قورتول.
Yükleniyor...