Íايكنجى أساس|@

* سعادتِ أبديه‌يه مقتضى واردر و او سعادتى ويره‌جك فاعلِ ذو الجلال ده مقتدردر. هم خرابِ عالم، موتِ دنيا ممكندر. هم واقع اولاجقدر. يڭيدن إحياىِ عالم و حشر، ممكندر. هم واقع اولاجقدر. ايشته بو آلتى مسئله‌يى، برر برر عقلى إقناع ايده‌جك مختصر بر طرزده بيان ايده‌جگز. ذاتًا اوننجى سوزده قلبى، ايمانِ كامل درجه‌سنه چيقاره‌جق درجه‌ده برهانلر ذكر ايديلمشدر. شوراده ايسه، يالڭز عقلى إقناع ايده‌جك، صوصديره‌جق، أسكى سعيدڭ "نقطه رساله‌سى"نده‌كى بياناتى طرزنده بحث ايده‌جگز.|@