Íفهرستهِٔ مكتوبات|@

Ï برنجى مكتوب: |@

* درت سؤالڭ جوابيدر.|@

Ï برنجى سؤال:|@

*حضرتِ خضرڭ حياتى حقّنده و او مناسبتله حياتڭ بش مرتبه‌سنى غايت گوزل و مقنع بر طرزده بيان ايدر.|@

Ï ايكنجى سؤال:|@

﴿اَلَّذِى خَلَقَ الْمَوْتَ وَ الْحَيٰوةَ﴾

*آيتنده‌كى موتى، نعمت صورتنده و مخلوق اولديغنڭ سرّينى غايت گوزل بر صورتده إثبات ايدر كه، موت دخى حيات گبى بر نعمت و حيات گبى مخلوقدر.|@

Ï اوچنجى سؤال:|@

*"جهنّم نره‌ده‌در؟" جوابنده، غايت معقول بر صورتده يرينى بيان ايدر و گوسترر. جهنّمِ صُغرا و كبرايى تفريق ايدوب، فنّى بر طرزده و منطقى بر صورتده إثبات ايتمكله برابر· آخرنده غايت محتشم و پارلاق بر صورتده، عظمت و ربوبيتِ إلٰهيه‌نڭ بر سرِّ عظيمنى و جهنّمِ كبرانڭ بر حكمتِ خلقتنى گوسترديگى گبى· جنّت و جهنّم، شجرهِٔ خلقتڭ ايكى ميوه‌سى و سلسلهِٔ كائناتڭ ايكى نتيجه‌سى و سَيْلِ شئوناتڭ و محصولاتِ معنويهِٔ أرضيه‌نڭ ايكى مخزنى، لطف و قهرڭ ايكى تجلّيگاهى اولديغنى گوسترر.|@

Ï دردنجى سؤالڭ جوابنده·|@

*محبوبلره اولان عشقِ مجازى عشقِ حقيقىيه إنقلاب ايتديگى گبى، قوجه دنيايه قارشى إنسانڭ عشقِ مجازيسى دخى، سرِّ ايمان ايله مقبول بر عشقِ حقيقىيه إنقلاب ايده‌بيلديگنى غايت گوزل و مقنع بر صورتده إثبات ايدر.|@