بشنجى رساله اولان بشنجى مسئله
شكر رسالهسى
﴿بِسْمِ اللّٰهِ الرَّحْمٰنِ الرَّحِيمِ﴾
﴿وَ اِنْ مِنْ شَيْءٍ اِلَّا يُسَبِّحُ بِحَمْدِهِ﴾
قرآنِ معجز البيان، تكرار ايله
﴿اَفَلَا يَشْكُرُونَ ٭ اَفَلَا يَشْكُرُونَ ٭ وَ سَنَجْزِى الشَّاكِرِينَ ٭ لَئِنْ شَكَرْتُمْ لَاَزِيدَنَّكُمْ ٭ بَلِ اللّٰهَ فَاعْبُدْ وَ كُنْ مِنَ الشَّاكِرِينَ﴾
گبى آيتلرله گوسترييور كه: خالقِ رحمانڭ عبادندن ايستديگى أڭ مهمّ ايش، شكردر. فرقانِ حكيمده غايت أهمّيتله شكره دعوت ايدر. و شكر ايتمهمكلگى، نعمتلرى تكذيب و إنكار صورتنده گوستروب
﴿فَبِاَىِّ اٰلَاءِ رَبِّكُمَا تُكَذِّبَانِ﴾
فرمانيله، سورهِٔ رحمانده شدّتلى و دهشتلى بر صورتده اوتوز بر دفعه شو آيتله تهديد ايدييور. شكرسزلگڭ، بر تكذيب و إنكار اولديغنى گوسترييور.
أوت قرآنِ حكيم ناصلكه شكرى نتيجهِٔ خلقت گوسترييور· اويله ده قرآنِ كبير اولان شو كائنات دخى گوسترييور كه: نتيجهِٔ خلقتِ عالمڭ أڭ مهمّى، شكردر. چونكه كائناته دقّت ايديلسه گورونويور كه: كائناتڭ تشكيلاتى شكرى إنتاج ايدهجك بر صورتده هر بر شى، بر درجه شكره باقييور و اوڭا متوجّه اولويور. گويا شو شجرهِٔ خلقتڭ أڭ مهمّ ميوهسى، شكردر. و شو كائنات فابريقهسنڭ چيقارديغى محصولاتڭ أڭ أعلاسى، شكردر. چونكه خلقتِ عالمده گورويورز كه· موجوداتِ عالم بر دائره طرزنده تشكيل ايديلوب، ايچنده نقطهِٔ مركزيه اولارق حيات خلق ايديلمش. بتون موجودات حياته باقار، حياته خدمت ايدر، حياتڭ لوازماتنى يتيشديرر. ديمك كائناتى خلق ايدن ذات، اوندن او حياتى إنتخاب ايدييور.
شكر رسالهسى
﴿بِسْمِ اللّٰهِ الرَّحْمٰنِ الرَّحِيمِ﴾
﴿وَ اِنْ مِنْ شَيْءٍ اِلَّا يُسَبِّحُ بِحَمْدِهِ﴾
قرآنِ معجز البيان، تكرار ايله
﴿اَفَلَا يَشْكُرُونَ ٭ اَفَلَا يَشْكُرُونَ ٭ وَ سَنَجْزِى الشَّاكِرِينَ ٭ لَئِنْ شَكَرْتُمْ لَاَزِيدَنَّكُمْ ٭ بَلِ اللّٰهَ فَاعْبُدْ وَ كُنْ مِنَ الشَّاكِرِينَ﴾
گبى آيتلرله گوسترييور كه: خالقِ رحمانڭ عبادندن ايستديگى أڭ مهمّ ايش، شكردر. فرقانِ حكيمده غايت أهمّيتله شكره دعوت ايدر. و شكر ايتمهمكلگى، نعمتلرى تكذيب و إنكار صورتنده گوستروب
﴿فَبِاَىِّ اٰلَاءِ رَبِّكُمَا تُكَذِّبَانِ﴾
فرمانيله، سورهِٔ رحمانده شدّتلى و دهشتلى بر صورتده اوتوز بر دفعه شو آيتله تهديد ايدييور. شكرسزلگڭ، بر تكذيب و إنكار اولديغنى گوسترييور.
أوت قرآنِ حكيم ناصلكه شكرى نتيجهِٔ خلقت گوسترييور· اويله ده قرآنِ كبير اولان شو كائنات دخى گوسترييور كه: نتيجهِٔ خلقتِ عالمڭ أڭ مهمّى، شكردر. چونكه كائناته دقّت ايديلسه گورونويور كه: كائناتڭ تشكيلاتى شكرى إنتاج ايدهجك بر صورتده هر بر شى، بر درجه شكره باقييور و اوڭا متوجّه اولويور. گويا شو شجرهِٔ خلقتڭ أڭ مهمّ ميوهسى، شكردر. و شو كائنات فابريقهسنڭ چيقارديغى محصولاتڭ أڭ أعلاسى، شكردر. چونكه خلقتِ عالمده گورويورز كه· موجوداتِ عالم بر دائره طرزنده تشكيل ايديلوب، ايچنده نقطهِٔ مركزيه اولارق حيات خلق ايديلمش. بتون موجودات حياته باقار، حياته خدمت ايدر، حياتڭ لوازماتنى يتيشديرر. ديمك كائناتى خلق ايدن ذات، اوندن او حياتى إنتخاب ايدييور.
Yükleniyor...