بن دنيانڭ حالنى بيلمييورم، فقط آوروپاده إستيلاكارانه حكم ايدن و أديانِ سماويه‌يه طايانميان دهشتلى جريانڭ إستيلاسنه قارشى رسالهِٔ نور حقيقتلرى بر قلعه اولديغى گبى، عالمِ إسلامڭ و آسيا قطعه‌سنڭ حالِ حاضرده‌كى إعتراض و إتهامنى إزاله و أسكيده‌كى محبّت و اخوّتنى إعاده ايتمگه وسيله اولان بر معجزهِٔ قرآنيه‌در.

بو مملكتڭ وطنپرور سياسيلرى چابوق عقلنى باشنه آلوب رسالهِٔ نورى طبع ايده‌رك رسمًا نشر ايتملرى لازمدر كه، بو ايكى بلايه قارشى سپر اولسون.

عجبا بو يگرمى سنه ظرفنده ايمانِ تحقيقىيى پك قوّتلى بر صورتده بو وطنده نشر ايدن رسالهِٔ نور اولماسه ايدى· بو دهشتلى عصرده، عجيب إنقلاب و إنفلاقلرده بو مبارك وطن، قرآننى و ايماننى دهشتلى صدمه‌لردن تام محافظه ايده‌بيلير ميدى؟

سعيد النورسى

Yükleniyor...