سعيد النورسى
٭ ٭ ٭
﴿بِاسْمِهِ سُبْحَانَهُ﴾
عزيز، صدّيق قارداشلرم!
أوّلا:
رجبِ شريفڭزى و يارينكى ليلهِٔ رغائبڭزى روحِ جانمزله تبريك ايدرز.
ثانيًا:
مأيوس اولمايڭز، هم مراق و تلاش ايتمه‌يڭز، عنايتِ ربّانيه إن شاء اللّٰه إمداديمزه يتيشير. بو اوچ آيدن بَرى عليهمزده إحضار ايديلن بومبا پاطلادى. بنم صوبام و فيضيلرڭ صو بارداغى و خسروڭ ايكى صو بارداقلرينڭ ويردكلرى خبر طوغرى چيقدى. فقط دهشتلى دگل، خفيف اولدى. إن شاء اللّٰه او آتش تمامًا سونه‌جك. بتون هجوملرى، شخصمى چوروتمك و نورڭ فتوحاتنه بولانتى ويرمكدر. أميرطاغنده‌كى معلوم منافقدن داها مضر و گيزلى زنديقلرڭ ألنده آلَت بر آدم و بدعتكار بر ياريم خواجه ايله برابر بتون قوّتلريله بزه وورمغه چاليشدقلرى ضربه، يگرميدن بره اينمش. إن شاء اللّٰه او بر دخى، بزى مجروح و ياره‌لى ايتميه‌جك و دوشوندكلرى و قصد ايتدكلرى بزى بربرندن و نورلردن قاچيرمق پلانلرى دخى عقيم قالاجق. بو مبارك آيلرڭ حرمتنه و پك چوق ثواب قزانديرمالرينه إعتمادًا صبر و تحمّل ايچنده شكر و توكّل ايتمك و
﴿مَنْ اٰمَنَ بِالْقَدَرِ اَمِنَ مِنَ الْكَدَرِ﴾
دستورينه تسليم اولمق ألزمدر، وظيفه‌مزدر.
٭ ٭ ٭
﴿بِاسْمِهِ سُبْحَانَهُ﴾
عزيز، صدّيق قارداشلرم!
أوّلا:
رجبِ شريفڭزى و يارينكى ليلهِٔ رغائبڭزى روحِ جانمزله تبريك ايدرز.
ثانيًا:
مأيوس اولمايڭز، هم مراق و تلاش ايتمه‌يڭز، عنايتِ ربّانيه إن شاء اللّٰه إمداديمزه يتيشير. بو اوچ آيدن بَرى عليهمزده إحضار ايديلن بومبا پاطلادى. بنم صوبام و فيضيلرڭ صو بارداغى و خسروڭ ايكى صو بارداقلرينڭ ويردكلرى خبر طوغرى چيقدى. فقط دهشتلى دگل، خفيف اولدى. إن شاء اللّٰه او آتش تمامًا سونه‌جك. بتون هجوملرى، شخصمى چوروتمك و نورڭ فتوحاتنه بولانتى ويرمكدر. أميرطاغنده‌كى معلوم منافقدن داها مضر و گيزلى زنديقلرڭ ألنده آلَت بر آدم و بدعتكار بر ياريم خواجه ايله برابر بتون قوّتلريله بزه وورمغه چاليشدقلرى ضربه، يگرميدن بره اينمش. إن شاء اللّٰه او بر دخى، بزى مجروح و ياره‌لى ايتميه‌جك و دوشوندكلرى و قصد ايتدكلرى بزى بربرندن و نورلردن قاچيرمق پلانلرى دخى عقيم قالاجق. بو مبارك آيلرڭ حرمتنه و پك چوق ثواب قزانديرمالرينه إعتمادًا صبر و تحمّل ايچنده شكر و توكّل ايتمك و
﴿مَنْ اٰمَنَ بِالْقَدَرِ اَمِنَ مِنَ الْكَدَرِ﴾
دستورينه تسليم اولمق ألزمدر، وظيفه‌مزدر.
Yükleniyor...