يوز قرق يدى نومرولى مكتوبده: بو دفعه بزه هجوملرڭ عين زماننده قيش چوق حدّت ايتدى. شدّتلى صوغوق و فورطنه ايله هوانڭ قيزديغى گوستردى كه· هجوملرڭ طورماسيله و نورجيلرڭ فرحلانماسيله زمهرير گونلرينڭ نَوْروز گونلرى گبى گولمگه باشلاماسى... و معارف دائرهسنڭ يانماسى كلّى بر طوقاتدر.
٭ ٭ ٭
(تبريك و آفرين ايله مقابله ايديلهجك بر حاله، إعتراض نظريله باقيلماز.)
بو دفعه بڭا محكمهده صوردقلرى چوق معناسز سؤاللر ايچنده "نه ايله ياشايورسڭ؟" ديديلر. ديدم كه: إقتصاد بركتيله. بر وقت إسپارطهده بر رمضانده بر أكمك، بر كيلو طوربه يوغردى، بر كيلو پرنج ايله ياشايان بر آدم، معيشت ايچون دنيايه تنزّل ايتمز و هديهيى ده قبول ايتمگه مجبور اولماز ديدم.
٭ ٭ ٭
Yükleniyor...