عزيز، صدّيق قارداشلرم!
ميوه رساله‌سى چوق أهمّيتلى و چوق قيمتليدر. اُميد ايدرم، بر زمان بيوك فتوحات ياپاجق. سزلر تام قيمتنى آڭلامشسڭز كه، بو درسخانه‌يى درسسز بيراقمديڭز. بن كندى حسابمه ديرم: بو قدر زحمت و مصرفمزڭ ميوه‌سى· يالڭز بو رساله و مدافعه رساله‌سى و سزلر ايله برابر بر يرده بولونمق دخى اولسه· او مصرف، او زحمتى هيچه اينديرر و بو مصيبتڭ اون مِثلنى ده چكسه‌م ينه اوجوز دوشر.
چوق تجربه‌لرله و بِالخاصّه بو صيقى و صيقنتيلى حپسده قطعى قناعتم گلمش كه: رسالهِٔ نور ايله قرائةً و كتابَةً إشتغال، صيقنتىيى چوق خفيفلشديرر، فرح ويرر. مشغول اولماديغم زمان او مصيبت تضاعف ايدوب لزومسز شيلرله بنى متأثّر ايدر. بعض أسبابه بناءً، بن أڭ زياده خسروى و حافظ على، طاهرىيى صيقنتيده تخمين ايتديگم حالده، أڭ زياده تمكين و تسليم و راحتِ قلب، اونلرده و برابرلرنده بولونانلرده گورويوردم. "عجبا نه‌دن؟" دير ايدم. شيمدى آڭلادم كه· اونلر حقيقى وظيفه‌لرينى ياپييورلر، مالايعنى شيلرله إشتغال ايتمدكلرندن و قضا و قدرڭ وظيفه‌لرينه قاريشمدقلرندن و أنانيتدن گلن خودفروشلق و تنقيد و تلاش ايتمدكلرندن، تمكينلريله و متانت و إطمئنانِ قلبلريله رسالهِٔ نور شاكردلرينڭ يوزلرينى آق ايتديلر، زندقه‌يه قارشى رسالهِٔ نورڭ معنوى قوّتنى گوسترديلر. جنابِ حق، اونلرده‌كى نهايت تواضع و محويتده تام عزّت و قهرمانلق سجيه‌سنى عموم قارداشلريمزه تشميل ايتديرسين، آمين!
ميوه رساله‌سى چوق أهمّيتلى و چوق قيمتليدر. اُميد ايدرم، بر زمان بيوك فتوحات ياپاجق. سزلر تام قيمتنى آڭلامشسڭز كه، بو درسخانه‌يى درسسز بيراقمديڭز. بن كندى حسابمه ديرم: بو قدر زحمت و مصرفمزڭ ميوه‌سى· يالڭز بو رساله و مدافعه رساله‌سى و سزلر ايله برابر بر يرده بولونمق دخى اولسه· او مصرف، او زحمتى هيچه اينديرر و بو مصيبتڭ اون مِثلنى ده چكسه‌م ينه اوجوز دوشر.
چوق تجربه‌لرله و بِالخاصّه بو صيقى و صيقنتيلى حپسده قطعى قناعتم گلمش كه: رسالهِٔ نور ايله قرائةً و كتابَةً إشتغال، صيقنتىيى چوق خفيفلشديرر، فرح ويرر. مشغول اولماديغم زمان او مصيبت تضاعف ايدوب لزومسز شيلرله بنى متأثّر ايدر. بعض أسبابه بناءً، بن أڭ زياده خسروى و حافظ على، طاهرىيى صيقنتيده تخمين ايتديگم حالده، أڭ زياده تمكين و تسليم و راحتِ قلب، اونلرده و برابرلرنده بولونانلرده گورويوردم. "عجبا نه‌دن؟" دير ايدم. شيمدى آڭلادم كه· اونلر حقيقى وظيفه‌لرينى ياپييورلر، مالايعنى شيلرله إشتغال ايتمدكلرندن و قضا و قدرڭ وظيفه‌لرينه قاريشمدقلرندن و أنانيتدن گلن خودفروشلق و تنقيد و تلاش ايتمدكلرندن، تمكينلريله و متانت و إطمئنانِ قلبلريله رسالهِٔ نور شاكردلرينڭ يوزلرينى آق ايتديلر، زندقه‌يه قارشى رسالهِٔ نورڭ معنوى قوّتنى گوسترديلر. جنابِ حق، اونلرده‌كى نهايت تواضع و محويتده تام عزّت و قهرمانلق سجيه‌سنى عموم قارداشلريمزه تشميل ايتديرسين، آمين!
Yükleniyor...