اوچنجى نقطه:

حياتڭ پك مهمّ بر ماهيتى و أهمّيتلى بر وظيفه‌سى وار. فقط او بحث، حيات پنجره‌سنده و يگرمنجى مكتوبڭ سكزنجى كلمه‌سنده تفصيلى گچديگندن اوڭا حواله ايدوب يالڭز بونى إخطار ايدرز كه:

حياتده حسّيات صورتنده قاينايان ممزوج نقشلر· پك چوق أسماء و شئوناتِ ذاتيه‌يه إشارت ايدر. غايت پارلاق بر صورتده حىّ قيّومڭ شئوناتِ ذاتيه‌سنه آيينه‌دارلق ايدر. شو سرّڭ ايضاحى، اللّٰهى طانيميانلره و داها تام تصديق ايتمه‌ينلره قارشى زمانى اولماديغندن قپويى قپايورز...