آلتنجى وجه:

حياتِ معنويه و صحّتِ عبوديت، عداوت و عناد ايله صارصيلير. چونكه واسطهِٔ خلاص و وسيلهِٔ نجات اولان "إخلاص" ضايع اولور. زيرا طرفگير بر معنّد، كندى أعمالِ خيريه‌سنده خصمنه تفوّق ايستر. خالصًا لِوجه اللّٰه عمله پك ده موفّق اولاماز. هم حكم و معاملاتنده طرفگيرينى ترجيح ايدر، عدالت ايده‌مز. ايشته أفعال و أعمالِ خيريه‌نڭ أساسلرى اولان "إخلاص" و "عدالت"، خصومت و عداوتله غائب اولور. شو آلتنجى وجه چوق اوزوندر. فقط قابليتِ مقام قيصه اولديغندن قيصه كسييورز.