أحاديثِ شريفه‌ده گلمش كه:
آخر زمانڭ سفيان و دجّال گبى نفاق و زندقه باشنه گچه‌جك أشخاصِ مدهشهِٔ مضرّه‌لرى، إسلامڭ و بشرڭ حرص و شقاقندن إستفاده ايده‌رك آز بر قوّتله نوعِ بشرى هرج و مرج ايدر و قوجه عالمِ إسلامى أسارت آلتنه آلير.
أى أهلِ ايمان!
ذلّت ايچنده أسارت آلتنه گيرمه‌مك ايسترسه‌ڭز، عقلڭزى باشڭزه آليڭز! إختلافڭزدن إستفاده ايدن ظالملره قارشى
﴿اِنَّمَا الْمُؤْمِنُونَ اِخْوَةٌ﴾
قلعهِٔ قدسيه‌سى ايچنه گيريڭز· تحصّن ايديڭز. يوقسه نه حياتڭزى محافظه و نه ده حقوقڭزى مدافعه ايده‌بيليرسڭز. معلومدر كه· ايكى قهرمان بربريله بوغوشوركن· بر چوجق، ايكيسنى ده دوگه‌بيلير. بر ميزانده ايكى طاغ بربرينه قارشى موازنه‌ده بولونسه· بر كوچك طاش، موازنه‌لرينى بوزوب اونلرله اوينايه‌بيلير· برينى يوقارى، برينى آشاغى اينديرر. ايشته أى أهلِ ايمان! إحتراصلريڭزدن و خصومتكارانه طرفگيرلكلريڭزدن قوّتڭز هيچه اينر، آز بر قوّتله أزيله‌بيليرسڭز. حياتِ إجتماعيه‌ڭزله علاقه‌ڭز وارسه،
﴿اَلْمُؤْمِنُ لِلْمُؤْمِنِ كَالْبُنْيَانِ الْمَرْصُوصِ يَشُدُّ بَعْضُهُ بَعْضًا﴾
دستورِ عاليه‌يى دستورِ حيات ياپيڭز، سفالتِ دنيويه‌دن و شقاوتِ اُخرويه‌دن قورتولڭز!..
آخر زمانڭ سفيان و دجّال گبى نفاق و زندقه باشنه گچه‌جك أشخاصِ مدهشهِٔ مضرّه‌لرى، إسلامڭ و بشرڭ حرص و شقاقندن إستفاده ايده‌رك آز بر قوّتله نوعِ بشرى هرج و مرج ايدر و قوجه عالمِ إسلامى أسارت آلتنه آلير.
أى أهلِ ايمان!
ذلّت ايچنده أسارت آلتنه گيرمه‌مك ايسترسه‌ڭز، عقلڭزى باشڭزه آليڭز! إختلافڭزدن إستفاده ايدن ظالملره قارشى
﴿اِنَّمَا الْمُؤْمِنُونَ اِخْوَةٌ﴾
قلعهِٔ قدسيه‌سى ايچنه گيريڭز· تحصّن ايديڭز. يوقسه نه حياتڭزى محافظه و نه ده حقوقڭزى مدافعه ايده‌بيليرسڭز. معلومدر كه· ايكى قهرمان بربريله بوغوشوركن· بر چوجق، ايكيسنى ده دوگه‌بيلير. بر ميزانده ايكى طاغ بربرينه قارشى موازنه‌ده بولونسه· بر كوچك طاش، موازنه‌لرينى بوزوب اونلرله اوينايه‌بيلير· برينى يوقارى، برينى آشاغى اينديرر. ايشته أى أهلِ ايمان! إحتراصلريڭزدن و خصومتكارانه طرفگيرلكلريڭزدن قوّتڭز هيچه اينر، آز بر قوّتله أزيله‌بيليرسڭز. حياتِ إجتماعيه‌ڭزله علاقه‌ڭز وارسه،
﴿اَلْمُؤْمِنُ لِلْمُؤْمِنِ كَالْبُنْيَانِ الْمَرْصُوصِ يَشُدُّ بَعْضُهُ بَعْضًا﴾
دستورِ عاليه‌يى دستورِ حيات ياپيڭز، سفالتِ دنيويه‌دن و شقاوتِ اُخرويه‌دن قورتولڭز!..
Yükleniyor...