آلتنجيسى:
رسالهِٔ نور، قوّتلى و قدسى و ايمانى بر تفكّر ثمره‌سى اولوب، بتون موجوداتڭ لسانِ حال و قال صورتنده ترجمانلغنى ياپار. عين زمانده ايمان حقيقتلرينى علم اليقين و عين اليقين و حقّ اليقين درجه‌لرنده إنكشاف ايتديرر.
يدنجيسى:
رسالهِٔ نور، بتون علملرى جامع اولوشيدر. عادتا علم ايپلكلرى ايله طوقونمش مزيَّن قوماش گبيدر. و شيمدىيه قدر هيچ بر علم أربابى طرفندن سويلنمه‌مش و هر علمه اولان أڭ درين وقوفنى تبارز ايتديرن وجيزه‌لر مجموعه‌سيدر. مثال اولارق بر قاچنى ذكر ايده‌رك، هيئتِ مجموعه‌سى حقّنده بر فكر ايدينمك ايسته‌ينلره، رسالهِٔ نور بحرينه مراجعت ايتمه‌سنى توصيه ايدرز.
"سيورى سينگڭ گوزينى خلق ايدن، گونشى دخى او خلق ايتمشدر."
"بر كله‌بگڭ معده‌سنى تنظيم ايدن، منظومهِٔ شمسى دخى او تنظيم ايتمشدر."
"بر ذرّه‌يى ايجاد ايتمك ايچون، بتون كائناتى ايجاد ايده‌جك بر قدرتِ غيرِ متناهى لازمدر. زيرا شو كتابِ كبيرِ كائناتڭ هر بر حرفنڭ، باخصوص ذىحيات هر بر حرفنڭ، هر بر جمله‌سنه متوجّه برر يوزى و ناظر برر گوزى واردر."
"طبيعت، مثالى بر مطبعه‌در، طابع دگل. نقشدر، نقّاش دگل. مسطردر، مصدر دگل. نظامدر، ناظم دگل. قانوندر، قدرت دگل. شريعتِ اراديه‌در، حقيقتِ خارجيه دگل."
"ثابت، دائم، فطرى قانونلر گبى روح دخى· عالمِ أمردن، صفتِ إراده‌دن گلمش و قدرت اوڭا وجودِ حسّى گيديرمشدر. بر سيّالهِٔ لطيفه‌يى، او جوهره صدف ايتمشدر."
و هكذا بيڭلر وجيزه‌لر وار.
اَلْبَاقِى هُوَ الْبَاقِى
اونورسيته نورجيلرى نامنه، دعاڭزه چوق محتاج
مصطفى رمضان اوغلى
٭ ٭ ٭
رسالهِٔ نور، قوّتلى و قدسى و ايمانى بر تفكّر ثمره‌سى اولوب، بتون موجوداتڭ لسانِ حال و قال صورتنده ترجمانلغنى ياپار. عين زمانده ايمان حقيقتلرينى علم اليقين و عين اليقين و حقّ اليقين درجه‌لرنده إنكشاف ايتديرر.
يدنجيسى:
رسالهِٔ نور، بتون علملرى جامع اولوشيدر. عادتا علم ايپلكلرى ايله طوقونمش مزيَّن قوماش گبيدر. و شيمدىيه قدر هيچ بر علم أربابى طرفندن سويلنمه‌مش و هر علمه اولان أڭ درين وقوفنى تبارز ايتديرن وجيزه‌لر مجموعه‌سيدر. مثال اولارق بر قاچنى ذكر ايده‌رك، هيئتِ مجموعه‌سى حقّنده بر فكر ايدينمك ايسته‌ينلره، رسالهِٔ نور بحرينه مراجعت ايتمه‌سنى توصيه ايدرز.
"سيورى سينگڭ گوزينى خلق ايدن، گونشى دخى او خلق ايتمشدر."
"بر كله‌بگڭ معده‌سنى تنظيم ايدن، منظومهِٔ شمسى دخى او تنظيم ايتمشدر."
"بر ذرّه‌يى ايجاد ايتمك ايچون، بتون كائناتى ايجاد ايده‌جك بر قدرتِ غيرِ متناهى لازمدر. زيرا شو كتابِ كبيرِ كائناتڭ هر بر حرفنڭ، باخصوص ذىحيات هر بر حرفنڭ، هر بر جمله‌سنه متوجّه برر يوزى و ناظر برر گوزى واردر."
"طبيعت، مثالى بر مطبعه‌در، طابع دگل. نقشدر، نقّاش دگل. مسطردر، مصدر دگل. نظامدر، ناظم دگل. قانوندر، قدرت دگل. شريعتِ اراديه‌در، حقيقتِ خارجيه دگل."
"ثابت، دائم، فطرى قانونلر گبى روح دخى· عالمِ أمردن، صفتِ إراده‌دن گلمش و قدرت اوڭا وجودِ حسّى گيديرمشدر. بر سيّالهِٔ لطيفه‌يى، او جوهره صدف ايتمشدر."
و هكذا بيڭلر وجيزه‌لر وار.
اَلْبَاقِى هُوَ الْبَاقِى
اونورسيته نورجيلرى نامنه، دعاڭزه چوق محتاج
مصطفى رمضان اوغلى
٭ ٭ ٭
Yükleniyor...