ايكنجى مثال:
باشده بخارى و مسلم، كتبِ صحيحه خبر ويرييورلر كه: غزوهِٔ خيبرده، رسولِ أكرم عليه الصلاة والسلام علىِّ حيدرىيى بايراقدار تعيين ايتديگى حالده، علىنڭ گوزلرى خستهلقدن چوق آغرييوردى. رسولِ أكرم عليه الصلاة والسلام ترياق گبى توكروگنى گوزينه سورديگى دقيقهده، شفا بولارق هيچ بر شى قالمادى. صباحلين خيبر قلعهسنڭ پك آغير دمير قپوسنى چكوب، ألنده قالقان گبى طوتوب، قلعهِٔ خيبرى فتح ايتدى. هم او واقعهده، سلمة ابن أكوعڭ باجاغنه قلنج وورولمش، ياريلمش. رسولِ أكرم عليه الصلاة والسلام اوڭا نَفَس ايدوب، بردن آياغى شفا بولمش.
Yükleniyor...