ذاتِ فاضلانه‌لرنجه لزوم گورولوب، ايجاب ايتمه‌دن هيچ بر زمان مكتوب يازمق زحمتلرينى إختيار ايتمه‌ڭزه راضى اولامام. بو خصوصده گوجنمك شويله طورسون، قيمتلى استاديمڭ قدسى وظيفه‌لرينڭ ايفاسنه مانع تشكيل ايدن إشغالى، بيوك خطا و حرمتسزلك صايارم.
أحمد نظيف چلبى
٭ ٭ ٭
﴿بِاسْمِهِ سُبْحَانَهُ ٭ وَاِنْ مِنْ شَيْءٍ اِلَّا يُسَبِّحُ بِحَمْدِهِ﴾
﴿اَلسَّلَامُ عَلَيْكُمْ وَ رَحْمَةُ اللّٰهِ وَ بَرَكَاتُهُ اَبَدًا دَائِمًا﴾
عزيز صدّيق قارداشلرم!
اون طوقوزنجى سوزڭ آخرنده قرآنده‌كى تكرارڭ أكثر حكمتلرى، رسالهِٔ النورده دخى جريان ايدر. بِالخاصّه ايكنجى حكمتى تام تامنه واردر. او حكمت شودر:
هركس هر وقت قرآنه محتاجدر. فقط هركس، هر وقت بتون قرآنى اوقومغه مقتدر اولاماز. فقط بر سوره‌يه غالبًا مقتدر اولور. اونڭ ايچون أڭ مهم مقاصدِ قرآنيه أكثر اوزون سوره‌لرده درج ايديله‌رك· هر بر سوره كوچك بر قرآن حكمنه گچمش. ديمك هيچ بر كيمسه‌ىى محروم ايتمه‌مك ايچون حشر و توحيد و قصّهِٔ موسى (عس) گبى بعض مقصدلر تكرار ايديلمش. عينًا بو أهمّيتلى حكمت ايچوندر كه، بعض دفعه خبرم اولمادن، إختيارم و رضام اولماديغى حالده، بعض اينجه حقائقِ ايمانيه و قوّتلى حجّتلرى متعدّد رساله‌لرده تكرار ايديلمش. بن چوق حيرت ايدردم. نه‌دن بونلر بڭا اونوتديرلمش، تكرار يازديريلمش؟ صوڭره قطعى بر صورتده بيلدم كه: هركس بو زمانده رسالهِٔ النوره محتاجدر. فقط عمومنى ألده ايده‌مز. ألده ايتسه ده تمام اوقوياماز. فقط كوچك بر رسالهِٔ النور حكمنه گچمش بر رسالهِٔ جامعه‌ىى ألده ايده‌بيلير. و أكثر وقتلرده محتاج اولديغى مسئله‌لرى اونده اوقويابيلىر و غدا گبى هر زمان إحتياج تكرّر ايتديگى گبى، او ده مطالعه‌سنى تكرار ايدر.
أحمد نظيف چلبى
٭ ٭ ٭
﴿بِاسْمِهِ سُبْحَانَهُ ٭ وَاِنْ مِنْ شَيْءٍ اِلَّا يُسَبِّحُ بِحَمْدِهِ﴾
﴿اَلسَّلَامُ عَلَيْكُمْ وَ رَحْمَةُ اللّٰهِ وَ بَرَكَاتُهُ اَبَدًا دَائِمًا﴾
عزيز صدّيق قارداشلرم!
اون طوقوزنجى سوزڭ آخرنده قرآنده‌كى تكرارڭ أكثر حكمتلرى، رسالهِٔ النورده دخى جريان ايدر. بِالخاصّه ايكنجى حكمتى تام تامنه واردر. او حكمت شودر:
هركس هر وقت قرآنه محتاجدر. فقط هركس، هر وقت بتون قرآنى اوقومغه مقتدر اولاماز. فقط بر سوره‌يه غالبًا مقتدر اولور. اونڭ ايچون أڭ مهم مقاصدِ قرآنيه أكثر اوزون سوره‌لرده درج ايديله‌رك· هر بر سوره كوچك بر قرآن حكمنه گچمش. ديمك هيچ بر كيمسه‌ىى محروم ايتمه‌مك ايچون حشر و توحيد و قصّهِٔ موسى (عس) گبى بعض مقصدلر تكرار ايديلمش. عينًا بو أهمّيتلى حكمت ايچوندر كه، بعض دفعه خبرم اولمادن، إختيارم و رضام اولماديغى حالده، بعض اينجه حقائقِ ايمانيه و قوّتلى حجّتلرى متعدّد رساله‌لرده تكرار ايديلمش. بن چوق حيرت ايدردم. نه‌دن بونلر بڭا اونوتديرلمش، تكرار يازديريلمش؟ صوڭره قطعى بر صورتده بيلدم كه: هركس بو زمانده رسالهِٔ النوره محتاجدر. فقط عمومنى ألده ايده‌مز. ألده ايتسه ده تمام اوقوياماز. فقط كوچك بر رسالهِٔ النور حكمنه گچمش بر رسالهِٔ جامعه‌ىى ألده ايده‌بيلير. و أكثر وقتلرده محتاج اولديغى مسئله‌لرى اونده اوقويابيلىر و غدا گبى هر زمان إحتياج تكرّر ايتديگى گبى، او ده مطالعه‌سنى تكرار ايدر.
Yükleniyor...