حياتنى إسلاميتڭ صحّتى ايچون وقف ايدن، تورك ملّتنه خدمت ايتمگى شرف عدّ ايدن، عصريمزده أشنه تصادف ايديلمه‌ين بر دين مجاهدى بولونان استاديمز! سزه، عالمِ إسلام و إنسانيت متشكّردر. بزلر، اوفاق بر ذرّه‌سنى إفاده ايچون، حرمتلريمزى، تشكّرلريمزى بيلديرييور، مبارك دعالريڭزى طلب ايدييورز. اللّٰه سزدن و سزى سَونلردن راضى اولسون.
جامع الأزهر اونورسيته‌سى تورك طلبه‌لرى نامنه
حاجى على قلنجآلپ
٭ ٭ ٭
ايرانلى بر نور طلبه‌سنڭ استاد بديع الزمان حضرتلرينه بر مكتوبى
(توركيه جمهوريتنه تابع إسپارطه‌نڭ بارلا ناحيه‌سنده مقيم پك محترم، فضيلتمَاٰب بديع الزمان حضرتلرينه تقديم اولونور.)
پك محترم فضيلتمَاٰب استادِ محترم بديع الزمان حضرتلرينه!
هر شيدن أوّل سلام و حرمتِ مخصوصه‌مى تقديم، صحّت و عافيتده دوامڭزى جنابِ قادرِ مطلق حضرتلرندن تمنّى و نياز أيلرم. لطفًا أحوالِ عاجزانه‌م إستفسار بيورلورسه، لَهُ الْحَمْدُ وَ الْمِنَّة، وجودِ فانيم، باقى ايرانده، رضائيه ولايتنه تابع مَرْگِوَارْ محلّنده ديزه قريه‌سنده إمرارِ حيات ايتمكده اولديغمى عرض أيله‌رم.
بو گچن قرق ييل ظرفنده‌كى إنقلابِ زمان طولاييسيله مستغرق اولارق اوزاقلره دوشمش بولونمقلغم حسبيله، صحّت و عافيتڭزدن بىخبر قالمش، دائما وجودِ محترمڭزى صوروشديرمق، برنجى أمل و آرزولرمدن ايدى. جنابِ حق حضرتلرينه چوق شكر، بوگونلرده محترم قارداشمز سوباى طيّب ايرانلى واسطه‌سيله صحّت خبرلريڭزى آلديغمدن صوڭ درجه ممنون و متحسّس اولدم. قادرِ ذو الجلال دينِ مبينِ إسلامڭ خدمت و سعادتى ايچون سزى پك چوق زمان لطف و حمايه‌سنده مصون و محفوظ بيورسون. آمين.
جامع الأزهر اونورسيته‌سى تورك طلبه‌لرى نامنه
حاجى على قلنجآلپ
٭ ٭ ٭
ايرانلى بر نور طلبه‌سنڭ استاد بديع الزمان حضرتلرينه بر مكتوبى
(توركيه جمهوريتنه تابع إسپارطه‌نڭ بارلا ناحيه‌سنده مقيم پك محترم، فضيلتمَاٰب بديع الزمان حضرتلرينه تقديم اولونور.)
پك محترم فضيلتمَاٰب استادِ محترم بديع الزمان حضرتلرينه!
هر شيدن أوّل سلام و حرمتِ مخصوصه‌مى تقديم، صحّت و عافيتده دوامڭزى جنابِ قادرِ مطلق حضرتلرندن تمنّى و نياز أيلرم. لطفًا أحوالِ عاجزانه‌م إستفسار بيورلورسه، لَهُ الْحَمْدُ وَ الْمِنَّة، وجودِ فانيم، باقى ايرانده، رضائيه ولايتنه تابع مَرْگِوَارْ محلّنده ديزه قريه‌سنده إمرارِ حيات ايتمكده اولديغمى عرض أيله‌رم.
بو گچن قرق ييل ظرفنده‌كى إنقلابِ زمان طولاييسيله مستغرق اولارق اوزاقلره دوشمش بولونمقلغم حسبيله، صحّت و عافيتڭزدن بىخبر قالمش، دائما وجودِ محترمڭزى صوروشديرمق، برنجى أمل و آرزولرمدن ايدى. جنابِ حق حضرتلرينه چوق شكر، بوگونلرده محترم قارداشمز سوباى طيّب ايرانلى واسطه‌سيله صحّت خبرلريڭزى آلديغمدن صوڭ درجه ممنون و متحسّس اولدم. قادرِ ذو الجلال دينِ مبينِ إسلامڭ خدمت و سعادتى ايچون سزى پك چوق زمان لطف و حمايه‌سنده مصون و محفوظ بيورسون. آمين.
Yükleniyor...