مدينهٔ منوّره‌ده بولونان و نورڭ حقيقتنى تام آڭلايان و إسلاميته خدمت ايدن بر ذاتڭ مكتوبيدر
گوڭللر فاتحى پك محترم و مكرّم استاديمز حضرتلرى!
مبارك أللريڭزدن اوپر، بتون عزيز و صداقتلى طلبه‌لريڭزله برابر صحّت و سلامتده دائم اولماڭزى بارگاهِ كبريادن نياز أيلرم.
مسلمانلر ايچون أڭ بيوك بر بايرام دييه آنجق وصفلاندريلابيلن برائتڭز، بتون نورجيلرى شاد و خندان أيلديگى گبى، بنده‌ڭزى ده دنيالر قدر ممنون و مسرور أيله‌مشدر. ناصل ممنون ايتمه‌سين كه، سزڭ أثرلريڭزله برلكده برائتڭز ديمك· روحڭ مادّياته، نورڭ ظلمته، ايمانڭ كفره، حقّڭ باطله، توحيدڭ شركه و عرفانڭ جهله غالب گلمه‌سى ديمكدر.
ييللردن بَرى اوڭنه صيره‌طاغلر گبى أنگللر، قورقونج اوچوروملر گبى مانعلر قونيلان نور چاغلايانى· أڭ صوڭنده معجزه‌وى بر شكلده بتون سدلرى ييقمش، مانعلرى آشمش، نوريله بتون ظلمتلرى تارمار أيله‌مشدر.
"معجزه‌وى خارقه‌لرله طوغان إلٰهى تجلّيلرڭ وصفنده قلملر قيريلير، فكرلر گوريلدر، إلهاملر يانار كول اولور." ديرلردى. حقيقةً بنده‌ڭز، شيمدى بو مستثنا ظفرڭ قارشيسنده عين عجزى بتون وارلغمله حسّ ايدييورم. زيرا تفكّر و إلهاممه نهايتسز بر اُفق آچيلييور... جهان، محتشم بر نور معبدينى آڭديرييور... جوارمده‌كى هر شى، هر ير درين وجد و إستغراقلرله غشى اولمش بر حالده... هر ذرّه‌ده
﴿وَ اِنْ مِنْ شَيْءٍ اِلَّا يُسَبِّحُ بِحَمْدِهِ﴾
سرِّ سبحانيسى تجلّى ايدييور...
بناءً عليه بيلمييورم، بو مسعود حادثه‌يى· شانلى بر ظفر، شاهانه بر فتح، إلٰهى بر قورتولوش، جهانشمول بر بايرام دييه مى وصفلانديره‌يم؟ زيرا قدسى دعوانڭ قزانمش اولديغى بو إلٰهى ظفر، بتون إسلام و إنسانلق دنياسنده‌كى مجاهدلرڭ عزملرينه قوّت، روحلرينه جان، ايمانلرينه خيز و هيجان ويرمشدر.
گوڭللر فاتحى پك محترم و مكرّم استاديمز حضرتلرى!
مبارك أللريڭزدن اوپر، بتون عزيز و صداقتلى طلبه‌لريڭزله برابر صحّت و سلامتده دائم اولماڭزى بارگاهِ كبريادن نياز أيلرم.
مسلمانلر ايچون أڭ بيوك بر بايرام دييه آنجق وصفلاندريلابيلن برائتڭز، بتون نورجيلرى شاد و خندان أيلديگى گبى، بنده‌ڭزى ده دنيالر قدر ممنون و مسرور أيله‌مشدر. ناصل ممنون ايتمه‌سين كه، سزڭ أثرلريڭزله برلكده برائتڭز ديمك· روحڭ مادّياته، نورڭ ظلمته، ايمانڭ كفره، حقّڭ باطله، توحيدڭ شركه و عرفانڭ جهله غالب گلمه‌سى ديمكدر.
ييللردن بَرى اوڭنه صيره‌طاغلر گبى أنگللر، قورقونج اوچوروملر گبى مانعلر قونيلان نور چاغلايانى· أڭ صوڭنده معجزه‌وى بر شكلده بتون سدلرى ييقمش، مانعلرى آشمش، نوريله بتون ظلمتلرى تارمار أيله‌مشدر.
"معجزه‌وى خارقه‌لرله طوغان إلٰهى تجلّيلرڭ وصفنده قلملر قيريلير، فكرلر گوريلدر، إلهاملر يانار كول اولور." ديرلردى. حقيقةً بنده‌ڭز، شيمدى بو مستثنا ظفرڭ قارشيسنده عين عجزى بتون وارلغمله حسّ ايدييورم. زيرا تفكّر و إلهاممه نهايتسز بر اُفق آچيلييور... جهان، محتشم بر نور معبدينى آڭديرييور... جوارمده‌كى هر شى، هر ير درين وجد و إستغراقلرله غشى اولمش بر حالده... هر ذرّه‌ده
﴿وَ اِنْ مِنْ شَيْءٍ اِلَّا يُسَبِّحُ بِحَمْدِهِ﴾
سرِّ سبحانيسى تجلّى ايدييور...
بناءً عليه بيلمييورم، بو مسعود حادثه‌يى· شانلى بر ظفر، شاهانه بر فتح، إلٰهى بر قورتولوش، جهانشمول بر بايرام دييه مى وصفلانديره‌يم؟ زيرا قدسى دعوانڭ قزانمش اولديغى بو إلٰهى ظفر، بتون إسلام و إنسانلق دنياسنده‌كى مجاهدلرڭ عزملرينه قوّت، روحلرينه جان، ايمانلرينه خيز و هيجان ويرمشدر.
Yükleniyor...