محترم استاديمز، آرتيق بتون يورغونلغڭزه و إختيارلغڭزه رغمًا چتين إمتحانڭزڭ موفّقيتله نتيجه‌لنمسى سايه‌سنده مستريح اولڭز. آرتيق بو قدسى دعوايى، بو ايمان و قرآن دعواسنى دوام ايتديره‌جك إستقبالڭ گنج سعيدلرى يتيشمشدر. ايمان نورى و شعورى ايله اونلر بو قدسى و علوى دعوايى يوروته‌جكلر و إن شاء اللّٰه قيامته قدر دوام ايتديره‌جكلر و نسلدن نسله إنتقال ايتديره‌جكلر.
محترم أفنديمز، يارين تاريخڭ آلتون صحيفه‌لرنده إفتخار و إحتشامله ياد ايديله‌جك اولان يڭى و مفصّل تاريخچهِٔ حياتڭزڭ آنقره‌ده طبع ايديلوب ختامه ايرمه‌سنڭ سَوينجى ايچنده بايرام ايتمكده‌يز. زيرا بو تاريخچهِٔ حيات، عمريڭز بوينجه علّهِٔ غايه ايدنديگڭز ايمانى قورتارمق دعواڭز اوغرنده‌كى مجادله و مجاهده صفحه‌لريڭزى، بيڭ درلو محروميتلر ايچريسنده يورولمق بيلمه‌ين بر عزمله مقصده واصل اولوشڭزى و عالمه رحمت اولان رسالهِٔ نورلرڭ تأليف، تنظيم و نشرى حقّنده تطمينكار معلومات ويرمه‌سى باقيمندن بيوك أهمّيتى حائزدر. بوگون ميليونلرجه إنسانى جوشديروب، سلامته گوتورن بو نور درياسى دائما كوكره‌يه‌جك، كفرى بوغاجق، ظلمتى ييرته‌جق، إنسانلغه حامى و خلاصكار اولاجقدر.
سزه مديونِ شكرانز. أڭ درين سَوْگى و محبّتلريمزله سلام و حرمتلريمزى عرض ايدر، دعاءِ مباركلريڭزه إنتظارًا أللريڭزدن اوپه‌رز عزيز، سَوْگيلى استاديمز.
إستانبول نور طلبه‌لرى
٭ ٭ ٭
محترم أفنديمز، يارين تاريخڭ آلتون صحيفه‌لرنده إفتخار و إحتشامله ياد ايديله‌جك اولان يڭى و مفصّل تاريخچهِٔ حياتڭزڭ آنقره‌ده طبع ايديلوب ختامه ايرمه‌سنڭ سَوينجى ايچنده بايرام ايتمكده‌يز. زيرا بو تاريخچهِٔ حيات، عمريڭز بوينجه علّهِٔ غايه ايدنديگڭز ايمانى قورتارمق دعواڭز اوغرنده‌كى مجادله و مجاهده صفحه‌لريڭزى، بيڭ درلو محروميتلر ايچريسنده يورولمق بيلمه‌ين بر عزمله مقصده واصل اولوشڭزى و عالمه رحمت اولان رسالهِٔ نورلرڭ تأليف، تنظيم و نشرى حقّنده تطمينكار معلومات ويرمه‌سى باقيمندن بيوك أهمّيتى حائزدر. بوگون ميليونلرجه إنسانى جوشديروب، سلامته گوتورن بو نور درياسى دائما كوكره‌يه‌جك، كفرى بوغاجق، ظلمتى ييرته‌جق، إنسانلغه حامى و خلاصكار اولاجقدر.
سزه مديونِ شكرانز. أڭ درين سَوْگى و محبّتلريمزله سلام و حرمتلريمزى عرض ايدر، دعاءِ مباركلريڭزه إنتظارًا أللريڭزدن اوپه‌رز عزيز، سَوْگيلى استاديمز.
إستانبول نور طلبه‌لرى
٭ ٭ ٭
Yükleniyor...