ايكنجى مسئله:
اوتوز برنجى آيتڭ إشاراتنڭ بياننده،
﴿يَسْتَحِبُّونَ الْحَيٰوةَ الدُّنْيَا﴾
بحثنده دينيلمش كه: بو عصرڭ بر خاصّه‌سى شودر كه· حياتِ دنيويه‌يى، حياتِ باقيه‌يه بيله‌رك ترجيح ايتديرييور. يعنى قيريله‌جق بر جام پارچه‌سنى، باقى ألماسلره بيلديگى حالده ترجيح ايتمك بر دستور حكمنه گچمش. بن بوندن چوق حيرت ايدييوردم. بوگونلرده إخطار ايديلدى كه:
ناصل بر عضوِ إنسانى خسته‌لانسه، ياره‌لانسه سائر أعضا وظيفه‌لرينى قسمًا بيراقوب اونڭ إمدادينه قوشار· اويله ده، حرصِ حيات و حفظى و ذوقِ حيات و عشقى طاشييان و فطرتِ إنسانيه‌ده درج ايديلن بر جهازِ إنسانيه، چوق أسبابله ياره‌لانمش، سائر لطائفى كنديله مشغول ايدوب سقوط ايتديرمگه باشلامش· وظيفهٔ حقيقيه‌لرينى اونلره اونوتديرمغه چاليشييور.
هم ناصلكه بر جاذبه‌دار، سفيهانه و سرخوشانه شعشعه‌لى بر أگلنجه بولونسه، چوجقلر و سرسريلر گبى بيوك مقاملرده بولونان إنسانلر و مستوره خانملر دخى او جاذبه‌يه قاپيلوب حقيقى وظيفه‌لرينى تعطيل ايده‌رك إشتراك ايدييورلر· اويله ده، بو عصرڭ حياتِ إنسانيه، خصوصًا حياتِ إجتماعيه‌سى اويله دهشتلى فقط جاذبه‌لى و أليم فقط مراقلى بر وضعيت آلمش كه· إنسانڭ علوى لطيفه‌لرينى، قلب و عقلنى، نفسِ أمّاره‌نڭ آرقه‌سنه دوشوروب پروانه گبى او فتنه آتشلرينه دوشورتديرييور.
اوتوز برنجى آيتڭ إشاراتنڭ بياننده،
﴿يَسْتَحِبُّونَ الْحَيٰوةَ الدُّنْيَا﴾
بحثنده دينيلمش كه: بو عصرڭ بر خاصّه‌سى شودر كه· حياتِ دنيويه‌يى، حياتِ باقيه‌يه بيله‌رك ترجيح ايتديرييور. يعنى قيريله‌جق بر جام پارچه‌سنى، باقى ألماسلره بيلديگى حالده ترجيح ايتمك بر دستور حكمنه گچمش. بن بوندن چوق حيرت ايدييوردم. بوگونلرده إخطار ايديلدى كه:
ناصل بر عضوِ إنسانى خسته‌لانسه، ياره‌لانسه سائر أعضا وظيفه‌لرينى قسمًا بيراقوب اونڭ إمدادينه قوشار· اويله ده، حرصِ حيات و حفظى و ذوقِ حيات و عشقى طاشييان و فطرتِ إنسانيه‌ده درج ايديلن بر جهازِ إنسانيه، چوق أسبابله ياره‌لانمش، سائر لطائفى كنديله مشغول ايدوب سقوط ايتديرمگه باشلامش· وظيفهٔ حقيقيه‌لرينى اونلره اونوتديرمغه چاليشييور.
هم ناصلكه بر جاذبه‌دار، سفيهانه و سرخوشانه شعشعه‌لى بر أگلنجه بولونسه، چوجقلر و سرسريلر گبى بيوك مقاملرده بولونان إنسانلر و مستوره خانملر دخى او جاذبه‌يه قاپيلوب حقيقى وظيفه‌لرينى تعطيل ايده‌رك إشتراك ايدييورلر· اويله ده، بو عصرڭ حياتِ إنسانيه، خصوصًا حياتِ إجتماعيه‌سى اويله دهشتلى فقط جاذبه‌لى و أليم فقط مراقلى بر وضعيت آلمش كه· إنسانڭ علوى لطيفه‌لرينى، قلب و عقلنى، نفسِ أمّاره‌نڭ آرقه‌سنه دوشوروب پروانه گبى او فتنه آتشلرينه دوشورتديرييور.
Yükleniyor...