بڭا تسليم ايتدكلرى رساله‌لرڭ بر قسمنى، قارداشلريمه جواب ويره‌جگم، بتوننى يازسينلر، اونلره هديه ايده‌جگم. چونكه اونلر، رسالهِٔ نورڭ بوندن صوڭره‌كى خدمتنه تام حصّه‌داردرلر. بو مسئله‌ده بن دڭزلى شهرينى كندى قريه‌مه آرقداش ايدوب بتون أمواتنى و أهلِ ايمانڭ حياتده اولانلرينى هم كندم، هم رسالهِٔ نورڭ طلبه‌لرى، معنوى قزانجلريمزه حصّه‌دار ايتمگه قرار ويردك. دڭزلى حپسخانه‌سنى ده، بر إمتحان مدرسه‌مز تلقّى ايدييورز. و بزمله علاقه‌دار هم دڭزليده، هم حپسن 'Nعمومنه و خصوصنه و تام عدالتنى گورديگمز محكمه هيئتنه چوق سلام و دعالر ايدرز.
سعيد النورسى
٭ ٭ ٭
﴿بِاسْمِهِ سُبْحَانَهُ﴾
﴿اَلسَّلَامُ عَلَيْكُمْ وَ رَحْمَةُ اللّٰهِ وَ بَرَكَاتُهُ﴾
بشنجى نقطه: رسالهِٔ نور، بو آناطولى مملكتنه بلالرڭ دفعنه أهمّيتلى بر وسيله‌در. صدقه ناصل بلايى دفع ايدييور، اونڭ إنتشارى و اوقونماسى كلّى بر صدقه نوعنده سماوى و أرضى بلالرڭ دفعنه وسيله اولديغى چوق أماره‌لر و چوق حادثه‌لرله تبيّن ايتمش. حتّى قرآنڭ إشارتيله تحقّق ايتمش. و يازماسنى و إنتشارينى منع ايتمك زمانلرنده درت دفعه زلزله‌لرڭ باشلاماسى و إنتشاريله طورمالرى و آناطوليده أكثر يرلرده اوقونماسى، حربِ عمومينڭ آناطولىيه گيرمه‌مسنه بر وسيله اولديغى سورهِٔ
﴿وَ الْعَصْرِ﴾
إشارت ايتديگى حالده، بو ايكى آى قوراقلق زماننده محكمه‌نڭ رسالهِٔ نورڭ برائتنه و وطنه منفعتلى اولديغنه دائر قرارينى محكمهِٔ تمييز تصديق ايده‌رك تام بر سربستيتله رسالهِٔ نورڭ إنتشارى و اوقونماسنى بكلركن، بتون بتون عكسنه اولارق منع ايديلمسى و محكمه‌ده‌كى رساله‌لرى صاحبلرينه إعاده ايديلديگى حالده، بزى ده او جهتجه قونوشمقدن منع ايتمه‌لرى جهتيله، بلالرڭ دفعنه وسيله اولان بو كلّى صدقهِٔ معنويه بلايه قارشى چيقامدى، گناهمز نتيجه‌سى قوراقلق باشلادى.
سعيد النورسى
٭ ٭ ٭
﴿بِاسْمِهِ سُبْحَانَهُ﴾
﴿اَلسَّلَامُ عَلَيْكُمْ وَ رَحْمَةُ اللّٰهِ وَ بَرَكَاتُهُ﴾
بشنجى نقطه: رسالهِٔ نور، بو آناطولى مملكتنه بلالرڭ دفعنه أهمّيتلى بر وسيله‌در. صدقه ناصل بلايى دفع ايدييور، اونڭ إنتشارى و اوقونماسى كلّى بر صدقه نوعنده سماوى و أرضى بلالرڭ دفعنه وسيله اولديغى چوق أماره‌لر و چوق حادثه‌لرله تبيّن ايتمش. حتّى قرآنڭ إشارتيله تحقّق ايتمش. و يازماسنى و إنتشارينى منع ايتمك زمانلرنده درت دفعه زلزله‌لرڭ باشلاماسى و إنتشاريله طورمالرى و آناطوليده أكثر يرلرده اوقونماسى، حربِ عمومينڭ آناطولىيه گيرمه‌مسنه بر وسيله اولديغى سورهِٔ
﴿وَ الْعَصْرِ﴾
إشارت ايتديگى حالده، بو ايكى آى قوراقلق زماننده محكمه‌نڭ رسالهِٔ نورڭ برائتنه و وطنه منفعتلى اولديغنه دائر قرارينى محكمهِٔ تمييز تصديق ايده‌رك تام بر سربستيتله رسالهِٔ نورڭ إنتشارى و اوقونماسنى بكلركن، بتون بتون عكسنه اولارق منع ايديلمسى و محكمه‌ده‌كى رساله‌لرى صاحبلرينه إعاده ايديلديگى حالده، بزى ده او جهتجه قونوشمقدن منع ايتمه‌لرى جهتيله، بلالرڭ دفعنه وسيله اولان بو كلّى صدقهِٔ معنويه بلايه قارشى چيقامدى، گناهمز نتيجه‌سى قوراقلق باشلادى.
Yükleniyor...