أى إنسان!

بو شمس، عظمتيله برابر سزه مسخّردر. مسكنلريڭزه نور ويرييور. يمكلريڭزى حرارتيله پيشيرتييور. سزڭ اويله عظيم، رحيم بر مالكڭز وار كه، بو شمس اونڭ بر لامباسى اولوب مسافرخانه‌سنده ساكن مسافرلرينى ضيالانديرييور.

فلسفه‌نڭ حكمتنجه، شمس بيوك بر آتشدر، يرنده دونويور. أرض ايله سيّارات، اوندن اوچان پارچه‌لردر. جاذبه ايله شمسه مربوط قالارق مدارلرنده حركت ايدييورلر.

إعلم أيّها العزيز!

إنسانڭ جنابِ حقدن هيچ بر حقّى طلب ايتمگه حقّى يوقدر. بِالعكس دائما اوڭا شكر ايتمگه مديوندر. چونكه ملك اونڭدر. إنسان اونڭ مملوكيدر.

Yükleniyor...