برنجيسى: او آرينڭ بتون أمثالنڭ بتون زمينده، عين زمانده عين فعله مظهريتلرى گوسترييور كه: بو جزئى و خصوصى فعل ايسه، إحاطهلى روىِ زمينى قاپلامش بر فعلڭ بر اوجيدر. اويله ايسه· او بيوك فعلڭ فاعلى و او فعلڭ صاحبى كيم ايسه، او جزئى فعل دخى اونڭدر.
ايكنجى جهت: بو حاضر آرينڭ خلقتنه توجّه ايدن فعلڭ فاعلى اولمق ايچون، او آرينڭ شرائطِ حياتيهسنى و جهازاتنى و كائناتله مناسباتنى تأمين ايدهجك و بيلهجك قدر پك بيوك بر إقتدار و إختيار لازم گلديگندن، او جزئى فعلى ياپان ذاتڭ، أكثر كائناته حكمى گچمكله آنجق او فعلى اويله مكمّل ياپابيلير.
Yükleniyor...