أوت كائنات سراينى ترتميز طوتان بو علوى، عمومى تنظيف· ألبته إسمِ قدّوسڭ جلوهسى و مقتضاسيدر. أوت ناصلكه بتون مخلوقاتڭ تسبيحاتلرى إسمِ قدّوسه باقار· اويله ده بتون نظافتلرينى ده، قدّوس إسمى ايستر.
&﴿ (حاشيه): كوتو خصلتلر، باطل إعتقادلر، گناهلر، بدعهلر· معنوى كيرلردن اولدقلرينى اونوتماملىيز.﴾|@
نظافتڭ بو قدسى إنتسابندندر كه·
﴿اَلنَّظَافَةُ مِنَ اْلاِيمَانِ﴾
حديثى، نظافتى ايمانڭ نورندن صايمش.
﴿اِنَّ اللّٰهَ يُحِبُّ التَّوَّابِينَ وَيُحِبُّ الْمُتَطَهِّرِينَ﴾
آيتى دخى، طهارتى محبّتِ إلٰهيهنڭ بر مدارى گوسترمش.
٭ ٭ ٭
Yükleniyor...