بو اوزون زمانده و بيڭلر دفعه تكرارنده نه بڭا اوصانج گلييوردى و نه ده ويرديگى ذوق نقصانلاشييوردى و نه ده اونلره إحتياجِ روحى زائل اولويوردى. چونكه بتون او تفكّرات، آياتِ قرآنيه‌نڭ لمعاتى اولديغندن· آياتڭ بر خاصّه‌سى اولان اوصانديرمامق و حلاوتنى محافظه ايتمك خاصّه‌سنڭ بر جلوه‌سى، او تفكّر آيينه‌سنده تمثّل ايتمشدر.
بو آخرده گوردم كه: رسالهِٔ نورڭ أجزالرنده‌كى قوّتلى عقدهِٔ حياتيه و پارلاق نورلر، او سلسلهِٔ تفكّراتڭ لمعه‌لريدر. بڭا ايتدكلرى تأثيرى باشقه ذاتلره ده ايده‌جگنى دوشونمكله، آخر عمرمده مجموعنى قلمه آلمق نيّت ايتمشدم. گرچه چوق مهمّ پارچه‌لرى رساله‌لرده درج ايديلمشدر· فقط هيئتِ مجموعه‌سنده باشقه بر قيمت و قوّت بولونه‌جقدر.
آخرِ عمر معيّن اولماديغى ايچون، بو أسكيشهر حپسنده‌كى محكوميتم و وضعيتم ئولومدن داها بتر بر شكل آلديغندن، آخرِ حياتى بكله‌ميه‌رك، نور قارداشلريمڭ إستفاده آرزولريله، تغيير ايتميه‌رك، او سلسلهِٔ تفكّرات "يدى باب" اوستنده يازيلدى.
بو نوع قدسى حقيقتلرڭ أكثريتِ مطلقه‌سى نماز تسبيحاتنده خاطره گلدكلرندن
﴿سُبْحَانَ اللّٰه ٭ َاْلحَمْدُ ِللّٰه ٭ اَللّٰهُ اَكْبَرُ ٭ لَا اِلٰهَ اِلَّا اللّٰه﴾
قدسى كلمه‌لرينڭ هر بريسى بر منبع حكمنه گچديگندن· عينًا نماز تسبيحاتنده‌كى ترتيب گبى يازيلمق لازم گليركن، او زمان تجريدده‌كى مشوّشيتِ حال او ترتيبى بوزمش.
بو آخرده گوردم كه: رسالهِٔ نورڭ أجزالرنده‌كى قوّتلى عقدهِٔ حياتيه و پارلاق نورلر، او سلسلهِٔ تفكّراتڭ لمعه‌لريدر. بڭا ايتدكلرى تأثيرى باشقه ذاتلره ده ايده‌جگنى دوشونمكله، آخر عمرمده مجموعنى قلمه آلمق نيّت ايتمشدم. گرچه چوق مهمّ پارچه‌لرى رساله‌لرده درج ايديلمشدر· فقط هيئتِ مجموعه‌سنده باشقه بر قيمت و قوّت بولونه‌جقدر.
آخرِ عمر معيّن اولماديغى ايچون، بو أسكيشهر حپسنده‌كى محكوميتم و وضعيتم ئولومدن داها بتر بر شكل آلديغندن، آخرِ حياتى بكله‌ميه‌رك، نور قارداشلريمڭ إستفاده آرزولريله، تغيير ايتميه‌رك، او سلسلهِٔ تفكّرات "يدى باب" اوستنده يازيلدى.
بو نوع قدسى حقيقتلرڭ أكثريتِ مطلقه‌سى نماز تسبيحاتنده خاطره گلدكلرندن
﴿سُبْحَانَ اللّٰه ٭ َاْلحَمْدُ ِللّٰه ٭ اَللّٰهُ اَكْبَرُ ٭ لَا اِلٰهَ اِلَّا اللّٰه﴾
قدسى كلمه‌لرينڭ هر بريسى بر منبع حكمنه گچديگندن· عينًا نماز تسبيحاتنده‌كى ترتيب گبى يازيلمق لازم گليركن، او زمان تجريدده‌كى مشوّشيتِ حال او ترتيبى بوزمش.
Yükleniyor...