﴿اِلَّا الَّذِينَ اٰمَنُوا﴾
كلمهِٔ قدسيهسنڭ حقيقتنى فوق العاده بر صورتده يوز بيڭ إنسانڭ قلبلرينه تحقيقى بر طرزده درس ويرن رسالهِٔ النور اولديغنى، پك چوق أمارهلر و شاكردلرندن بيڭلر أهلِ حقيقت و دقّتڭ قناعتلرى إثبات ايدر.
أزجمله: أمارهلردن برى، رسالهِٔ النوره صيقنتى ويرن وياخود خدمتندن چكيلن پك چوق آدملرڭ توقات ييمهلرى گبى· بو سنه، بو مملكتڭ أطرافنده عمومى بر طرزده رسالهِٔ النورڭ إنتشارينه صيقنتى وىروب شيمديكى بر نوع توقّف دورهسى ويرمك خطاسيله، شيمديكى عمومى صيقينتينڭ بر سببى اولديغنى گوسترمسيدر.
Yükleniyor...