اونلرڭ او پلانلرى ده ينه عقيم قالدى. فقط بو ولايتده، طوغريدن طوغرىيه بيوك بر مقامدن قوّت آلوب شخصمله اوغراشانلر وار. أگر ممكن اولسه، بورانڭ هواسيله هيچ إمتزاج ايده‌مديگم جهتنى وسيله ايدوب، مناسب بر يره نقلمه، دڭزلى محكمه‌سنى و آنقره تمييز محكمه‌لرينى واسطه ياپوب چاليشمق لازم گلييور. بن كندم ياپامديغم ايچون، بندن بڭا داها زياده علاقه‌دار دڭزلى دوستلرى تشبّث ايتسه‌لر ايى اولور. هيچ اولمازسه اورانڭ حپسنه، بر داها بهانه ايله بنى آلسينلر.
سعيد النورسى
٭ ٭ ٭
عزيز، صدّيق، چوق مبارك، چوق فعّال، چوق خالص، چوق قيمتدار قارداشم خسرو!
سنڭ بايرامڭ ايكنجى گوننده أليمه گچن مكتوبڭ بر گوگرجين خبر ويرييور گبى گلديگى عين گونده بنى چوق متأثّر ايدن حادثهِٔ تعرّضيه‌دن نشئت ايدن ألملريمه، كدرلريمه بر مرهم، بر علاج حكمنه گچدى· بو معنايى خاطره گتيردى: "سڭا إهانت ايدن أهمّيتسز آدملره قارشى، گُل و نور فابريقه‌سنڭ قهرمانلرينڭ خارق العاده حرمت و إحتراملرى واركن بويله بر ايكى وجدانسزڭ حقارتنه دگل، ميليونلرجه دشمنلرڭ إهانتلرينه قارشى گله‌بيلير و حكمدن إسقاط ايده‌بيلير" دييه قلبمه گلدى. فقط كندى شخصمه باقدم كه· قورومش، چورومش، وظيفه‌سى بيتمش بر خرما چكردگى حكمنده ايكن، رسالهِٔ نور باغچه‌سنده بر درجه او چكردكدن تظاهر ايدن ميوه‌دار، محتشم قوجه بر آغاج نظريله باقديغڭزى گوردم. سزڭ فوق العاده حسنِ ظنّڭز او آغاجدن ايلرى گلديگنى و چكردگڭ ده بر جهتده، بر نوع وسيله اولديغى جهتنده حسنِ ظنّه مظهر اولمش گوردم.
سعيد النورسى
٭ ٭ ٭
عزيز، صدّيق، چوق مبارك، چوق فعّال، چوق خالص، چوق قيمتدار قارداشم خسرو!
سنڭ بايرامڭ ايكنجى گوننده أليمه گچن مكتوبڭ بر گوگرجين خبر ويرييور گبى گلديگى عين گونده بنى چوق متأثّر ايدن حادثهِٔ تعرّضيه‌دن نشئت ايدن ألملريمه، كدرلريمه بر مرهم، بر علاج حكمنه گچدى· بو معنايى خاطره گتيردى: "سڭا إهانت ايدن أهمّيتسز آدملره قارشى، گُل و نور فابريقه‌سنڭ قهرمانلرينڭ خارق العاده حرمت و إحتراملرى واركن بويله بر ايكى وجدانسزڭ حقارتنه دگل، ميليونلرجه دشمنلرڭ إهانتلرينه قارشى گله‌بيلير و حكمدن إسقاط ايده‌بيلير" دييه قلبمه گلدى. فقط كندى شخصمه باقدم كه· قورومش، چورومش، وظيفه‌سى بيتمش بر خرما چكردگى حكمنده ايكن، رسالهِٔ نور باغچه‌سنده بر درجه او چكردكدن تظاهر ايدن ميوه‌دار، محتشم قوجه بر آغاج نظريله باقديغڭزى گوردم. سزڭ فوق العاده حسنِ ظنّڭز او آغاجدن ايلرى گلديگنى و چكردگڭ ده بر جهتده، بر نوع وسيله اولديغى جهتنده حسنِ ظنّه مظهر اولمش گوردم.
Yükleniyor...