بو شهورِ مباركه‌ده قزانج بره يوزدر. مبارك قارداشلرم رجالاً و نساءً و معصوملر و محترم إختيارلر دعالريله بزه يارديم ايتمه‌لرينه پك زياده إحتياجمز وار. إن شاء اللّٰه داها هيچ بر فورطنه سزلرى صارصميه‌جق، چليك گبى متانتڭز قيريلميه‌جق.
٭ ٭ ٭
﴿بِاسْمِهِ سُبْحَانَهُ﴾
﴿اَلسَّلَامُ عَلَيْكُمْ وَ رَحْمَةُ اللّٰهِ وَ بَرَكَاتُهُ﴾
عزيز، صدّيق قارداشلرم!
(هم معنوى، هم مادّى بر قاچ جهتده صوريلان بر سؤاله مجبوريت تحتنده
بر جوابدر.)
سؤال: نه‌دن نه داخلده، نه خارجده بولونان جريانلره و بِالخاصّه سياستلى جماعتلره هيچ بر علاقه پيدا ايتمييورسڭ؟ و رسالهِٔ نور و شاكردلرينى ممكن اولديغى قدر او جريانلره تماسدن منع ايدييورسڭ. حالبوكه أگر تماس ايتسه‌ڭ و علاقه‌دار اولسه‌ڭ، بردن بيڭلر آدم رسالهِٔ نور دائره‌سنه گيروب پارلاق حقيقتلرينى نشر ايده‌جكلردى· هم بو قدر سببسز صيقنتيلره هدف اولميه‌جقدڭ!
الجواب: بو علاقه‌سزلق و إجتنابڭ أڭ أهمّيتلى سببى: مسلگمزڭ أساسى اولان "إخلاص" بزى منع ايدييور. چونكه بو غفلت زماننده، خصوصًا طرفگيرانه مفكوره‌لر صاحبى، هر شيئى كندى مسلگنه آلَت ايده‌رك، حتّى ديننى و اُخروى حركاتنى ده او دنيوى مسلگه بر نوع آلَت حكمنه گتيرييور. حالبوكه حقائقِ ايمانيه و خدمتِ نوريهِٔ قدسيه، كائناتده هيچ بر شيئه آلَت اولاماز. رضاىِ إلٰهيدن باشقه بر غايه‌سى اولاماز. حالبوكه شيمديكى جريانلرڭ طرفگيرانه چارپيشمالرى هنگامنده بو سرِّ إخلاصى محافظه ايتمك، ديننى دنيايه آلَت ايتمه‌مك مشكللشمش. أڭ ايى چاره، جريانلرڭ قوّتى يرينه، عنايت و توفيقِ إلٰهيه‌يه طايانمقدر.
٭ ٭ ٭
﴿بِاسْمِهِ سُبْحَانَهُ﴾
﴿اَلسَّلَامُ عَلَيْكُمْ وَ رَحْمَةُ اللّٰهِ وَ بَرَكَاتُهُ﴾
عزيز، صدّيق قارداشلرم!
(هم معنوى، هم مادّى بر قاچ جهتده صوريلان بر سؤاله مجبوريت تحتنده
بر جوابدر.)
سؤال: نه‌دن نه داخلده، نه خارجده بولونان جريانلره و بِالخاصّه سياستلى جماعتلره هيچ بر علاقه پيدا ايتمييورسڭ؟ و رسالهِٔ نور و شاكردلرينى ممكن اولديغى قدر او جريانلره تماسدن منع ايدييورسڭ. حالبوكه أگر تماس ايتسه‌ڭ و علاقه‌دار اولسه‌ڭ، بردن بيڭلر آدم رسالهِٔ نور دائره‌سنه گيروب پارلاق حقيقتلرينى نشر ايده‌جكلردى· هم بو قدر سببسز صيقنتيلره هدف اولميه‌جقدڭ!
الجواب: بو علاقه‌سزلق و إجتنابڭ أڭ أهمّيتلى سببى: مسلگمزڭ أساسى اولان "إخلاص" بزى منع ايدييور. چونكه بو غفلت زماننده، خصوصًا طرفگيرانه مفكوره‌لر صاحبى، هر شيئى كندى مسلگنه آلَت ايده‌رك، حتّى ديننى و اُخروى حركاتنى ده او دنيوى مسلگه بر نوع آلَت حكمنه گتيرييور. حالبوكه حقائقِ ايمانيه و خدمتِ نوريهِٔ قدسيه، كائناتده هيچ بر شيئه آلَت اولاماز. رضاىِ إلٰهيدن باشقه بر غايه‌سى اولاماز. حالبوكه شيمديكى جريانلرڭ طرفگيرانه چارپيشمالرى هنگامنده بو سرِّ إخلاصى محافظه ايتمك، ديننى دنيايه آلَت ايتمه‌مك مشكللشمش. أڭ ايى چاره، جريانلرڭ قوّتى يرينه، عنايت و توفيقِ إلٰهيه‌يه طايانمقدر.
Yükleniyor...