ذكائى
٭ ٭ ٭
عزيز و بيوك استادم!
ايكى اوچ گونلك سعيمڭ محصولندن طوغان و عنايتِ حقله إستنساخه موفّق اولديغم اون يدنجى سوزى تصحيح ايچون تقديم ايدييورم.
أى يوجه استادم، اون يدنجى سوز كه· مفهومى نامتناهى يوكسهلن حقيقتلردر. يوزلرجه تشكّر... هر سوز بشريتڭ مبتلا اولديغى مخفى أمراضى گوسترييور و نورلريله تشخيص ايدهرك تداوى ايدييور. پك اعلا، پك رعنا آڭلايورم كه، بنم گبى يارهلى، معنًا ضررديده اولمش بر گنج ايچون، محتاج بولونديغم تسلّيتكار شيلر، هپ رسالهِٔ نوردندر. قلبمه تسلّى نورلرينى سرپن خالقِ أعظمه بيڭلرجه شكر...
ذكائى
٭ ٭ ٭
سوزلر، يعنى رسالهِٔ أحمديه براهيننى يازاركن، چوق دفعهلر قلممى أليمدن بيراقوب، او عصرِ سعادتڭ آنلرينڭ تحسّريله، هجرانيله ياندم. بو هجراندن قلبم آغلامش، گوڭلم جوشمش، روحم وجودمدن آيريلارق اوزاقلره گيتمش، بڭا تسلّى تحفهلرى گتيرمش.
Yükleniyor...