Íاون آلتنجى سوز|@

﴿بِسْمِ اللّٰهِ الرَّحْمٰنِ الرَّحِيمِ﴾

﴿اِنَّمَا اَمْرُهُ اِذَا اَرَادَ شَيْئًا اَنْ يَقُولَ لَهُ كُنْ فَيَكُونُ ٭﴾

﴿فَسُبْحَانَ الَّذِى بِيَدِهِ مَلَكُوتُ كُلِّ شَيْءٍ وَ اِلَيْهِ تُرْجَعُونَ ٭﴾

* (إطمئنانِ نفسمه مدار اولاجق، ظلمتى طاغيده‌جق شو آيتڭ نورندن درت شعاعى گوسترمكله، كور نفسمه بر بصيرت ويرمك ايچون يازيلمشدر.)|@

Ï برنجى شعاع:|@

*أى نفسِ نادان! دييورسڭ كه: "أحديتِ ذاتِ إلٰهيه ايله كلّيتِ أفعالى و وحدتِ شخصيه‌سيله معينسز عموميتِ ربوبيتى و فردانيتى ايله شريكسز شمولِ تصرّفاتى و مكاندن منزّهيتيله هر يرده حاضر بولونماسى و نهايتسز علويتيله هر شيئه ياقين اولماسى و برلگى ايله هر ايشى بِالذّات ألنده طوتمسى· حقائقِ قرآنيه‌دندر. قرآن ايسه حكيمدر. حكيم ايسه، عقل قبول ايتمه‌ين شيلرى عقله تحميل ايتمز. عقل ايسه، ظاهرى بر منافاتى گورويور. عقلى تسليمه سَوق ايده‌جك بر ايضاح ايسترم."|@

Ï الجواب:|@

*مادام اويله‌در، إطمئنان ايچون ايسترسه‌ڭ، بز ده قرآنڭ فيضنه إستنادًا دييورز: إسمِ نور، چوق مشكلاتمزى حلّ ايتمش· إن شاء اللّٰه بونى ده حلّ ايدر. عقله واضح، قلبه نورانى اولاجق تمثيل يولنى إختيار ايله إمامِ ربّانى (رض) گبى ديرز:|@

﴿نَه شَبَمْ نَه شَبْ پَرَسْتَمْ مَنْ ٭ غُلَامِ شَمْسَمْ اَزْ شَمْسْ مِى گُويَمْ خَبَرْ﴾